Unlängs hebbt wi us mit een ganze Reech von Lüd an us Freibad ton Schietsammeln dropen.
Axel har dat alns vöraf utbaldowert. As ik da hin käm, stünn dor manch een von us Vereen mit een Sticken inne Hand, dat sech so ut as wenn de an Stock gaan- nee nee,
dat weer son Knieptang an Stängel dat we us nich so krum moken möt.
Axel har för jede lütte Grup een Wech torechtlech un he har og son Schietbüddel för us.
Joela käm mit een lütt Bollerwogen vörbi, so möt we de Büdels nich drägen.
Mit Conny, Ingeborg, Joela un me güng we veer öber de Brüch von uns Au no Oldörp.
Up us Wech dohin hebbt we meist nix fun, so weern wi us eens, dat wi noch een beten widergaan wooln as us de Plan da vörgift har, un du glövst dat nich, rein tofällig käm wi an dat Hus von Ingeborg vörbi. Se bruk nich veel Wör us op een Tass Kaffee to öberreden, dat weer schön bi de Köll.
Nun han we wedder denn richtigen Schisslawen för den letzten Deel von us Wech. Dat hät sik lohnt, vorbi an Grotlin-över de Brüch bi Linntal güng dat tun Auhof.
Wat we dor alns fun hebbt, een grode Hopen mit Papeerhantöker, de kun we gor nich upbörn, nige Telefonbökers, een richtich groden Pappkarton un männich feel von de ollen Kaffee to go Bekers,
Gott si Dank käm Michael mit sin grode Wooch, un hät us den ganzen Schiet afnom.
Nun wör da höchste Tid för den Rüchwech- all de annern weern all dor, un se hebbt up us töft.
No een Fotoshoting käm dat Beste vonz Schietsammeln Bi Kerstin int Spoteim geef dat wat hittes to drinken un een richt goode Knackwurst. Dat aleen is en Grund bi dat nächste mool wedder dobitosin.